Fjórðungur á nagladekkjum á höfuðborgarsvæðinu

Fjórðungur bifreiða í Reykjavík reyndist vera á nagladekkjum samkvæmt talningu sem gerð var um miðjan nóvember. Leyfilegt var að setja neglda hjólbarða undir bíla 1. nóvember. Á sama tíma í fyrra voru 33% bifreiða á negldum hjólbörðum. Árleg talning var gerð í 46 viku ársins eða 13. nóvember og skiptist hlutfallið þannig að 25% ökutækja var á negldum dekkjum og 75% á öðrum dekkjum.

Samkvæmt tilkynningu frá umhverfissviði Reykjavíkurborgar er sterkt samband milli fjölda bifreiða á negldum dekkjum og svifryksmengunar í borginni þar sem naglarnir spæna upp malbikið. Draga þarf úr hlutfalli nagladekkja til að fækka þeim dögum þar sem mengunin fer yfir heilsuverndarmörk.

• 1 blogg um fréttina

Bloggað um fréttina

• Linda: Ég þrjóskast við ....