Brotum á lögreglusamþykkt fækkar

Nóttin var með rólegra móti í höfuðborginni að sögn lögreglu þrátt fyrir nokkurn eril í miðborginni. Ein líkamsárás var skráð í bækur lögreglu, maður sem laminn var með glasi á veitingastað í miðbænum. Þá voru fimm teknir grunaðir um ölvunarakstur og einn grunaður um akstur undir áhrifum fíkniefna.

Ellefu gistu fangageymslur í nótt fyrir ýmsar sakir, en sex voru teknir fyrir brot á lögreglusamþykkt. Að sögn lögreglu hefur þeim brotum fækkað umtalsvert síðan farið var að taka hart á þeim og virðist fólk hugsa sig tvisvar um áður en það kastar af sér vatni á almannafæri, a.m.k. meðan lögreglan er nærri.

• 3 blogg um fréttina

Bloggað um fréttina

• Jakob Falur Kristinsson: Rólegt á vígstöðvinum
• Alexander Kristófer Gústafsson: Útrýma "brotum á lögreglusamþykkt" á ódýari og skilvísari hátt
• Mummi Guð: Sniðugt útiklósett í London sem myndi passa í miðborgina.