Víða talsvert frost í dag

Gert er ráð fyrir norðaustan og austan 3-8 metrum á sekúndu á landinu í dag, skýjuðu með köflum og víða verður talsvert frost. Vaxandi austanátt og fer að snjóa sunnan- og vestanlands með morgninum.

Upp úr hádegi verður suðaustan 13-18 m/s og slydda og rigning vestanlands og snjókoma norðaustantil í kvöld. Suðaustan 10-18 m/s verður seint í nótt og úrkoma um allt land.

Á morgun verður suðvestan 8-15 m/s eftir hádegi og skúrir sunnan- og vestanlands en rofar til austanlands. Hiti verður 1 til 5 stig.

• 1 blogg um fréttina

Bloggað um fréttina

• Jenný Anna Baldursdóttir: Frunsur og brotnar neglur!