Biskup Íslands vígsluvottur í Færeyjum

Karl Sigurbjörnsson, biskup Íslands, var vígsluvottur í fyrstu biskupsvígslu sem fram hefur farið í Færeyjum, þegar Jógvan Fríðriksson var vígður nýr biskup Færeyja við messu í Þórshöfn í gær.

Karl las ritningartexta úr nýrri útgáfu íslensku Biblíunnar, sem hann færði hinum nývígða biskupi að gjöf.

Biskupar Færeyja hafa áður verið vígðir í Danmörku. Færeyska þjóðkirkjan hlaut sjálfstæði síðastliðið sumar, en var áður hluti af dönsku kirkjunni. Í Færeysku kirkjunni eru 14 prestaköll og 60 sóknir.

Jógvan Friðriksson tekur við embættinu 1. desember næstkomandi af Hans Jacob Joensen, biskupi í Færeyjum, sem vígði hinn nýja biskup.

• 2 blogg um fréttina

Bloggað um fréttina

• Baldur Kristjánsson: Kirkjan í útrás!
• Sólveig Hannesdóttir: BISKUP íSLANDS VÍGSLUVOTTUR.....