Reyndi að sparka í lögreglumenn

Karlmaður var handtekinn um helgina vegna gruns um að hann hefði í fórum sínum fíkniefni. Hann brást við með því að hóta lögreglumönnum og reyndi að slá og sparka í þá. Hann var færður í fangageymslu og yfirheyrður þegar af honum var runnið. Málið verður sent til ákæruvaldsins til frekari ákvörðunar, að sögn lögreglunnar á Selfossi.

Þá var maður handtekinn á Selfossi fyrir hádegi á föstudag og færður í yfirheyrslu eftir að á honum fundust um tvö grömm af amfetamíni. Maðurinn var farþegi í bíl, sem lögreglan hafði stöðvað vegna þess að grunur lék á að ökumaðurinn væri undir áhrifum fíkniefna við aksturinn.

• 2 blogg um fréttina

Bloggað um fréttina

• Ásgeir Rúnar Helgason: Hvetjandi samtal – að kunna eða fúska?
• Sæþór Helgi Jensson: klikkaður heimur