Ekki hrifinn af tveimur skattþrepum

Árni Mathiesen fjármálaráðherra er ekki hrifinn af hugmyndum Starfsgreinasambandsins um að þeir sem hafi innan við 200.000 krónur borgi minna hlutfall í skatt en hinir. Betra sé að stefna að því að lækka almenna skattþrepið. Þetta kom fram í fréttum RÚV.

Starfsgreinasambandið kynnti í gær hugmyndir sínar um að þeir sem eru með minna en 200.000 krónur á mánuði borgi 15% skatt í stað 35% eins og aðrir gera.  Árni segir ekki rétt að hann tjái sig um mögulega aðkomu ríkisins þar sem ríkisvaldið komi yfirleitt ekki að kjarasamningum fyrr en á seinni stigum. Hann telur hins vegar að viðræðurnar hafi farið vel af stað og að samhljómur milli samningsaðila sé meiri en oft áður.

• 1 blogg um fréttina

Bloggað um fréttina

• Örvar Már Marteinsson: Ömurleg hugmynd