Nálgast endalok EES-samningsins?

Ríkisstjórn Noregs hyggst fá óháða sérfræðinganefnd til að meta hvaða áhrif umdeild þjónustutilskipun Evrópusambandsins muni hafa fyrir Noreg. Starf nefndarinnar gæti leitt til þess að Norðmenn beittu í fyrsta sinn neitunarvaldi í EES-samstarfinu.

Nefndinni er ætlað að skoða hvort tilskipunin geti leitt af sér undirboð á vinnumarkaði og hvaða áhrif hún myndi hafa á opinbera þjónustu og réttindi neytenda og er niðurstaðna að vænta fyrir næsta sumar.

Aðalsteinn Leifsson, lektor við Háskólann í Reykjavík, segir það hugsanlega geta leitt til endaloka EES-samningsins ákveði Norðmenn að beita neitunarvaldi. „EFTA-ríki þurfa að vera samstiga og ef Norðmenn neita að taka þjónustutilskipunina inn í EES-samninginn þá verður hún heldur ekki að veruleika á Íslandi eða í Liechtenstein."

Aðalsteinn segir að það sem kunni að gerast í framhaldinu veki áhyggjur. „Ef sáttaferli ber ekki árangur þá fellur sá hluti EES-samningsins sem snertir frjáls þjónustuviðskipti allur úr gildi og í framhaldinu er sjálfur EES-samningurinn í uppnámi."

• 2 blogg um fréttina

Bloggað um fréttina

• Maria Elvira Méndez Pinedo: "Bolkenstein" Tilskipun - II. hluti - EES
• Daði Einarsson: Úlfur, úlfur