Meirihluti íbúa Álftaness vill „Grænan miðbæ“

Meirihluti íbúa Álftaness styður nýja skipulagstillögu um miðsvæði Álftaness sem nefnd hefur verið „Grænn miðbær“. Þetta er ein helsta niðurstaða könnunar sem Capacent Gallup gerði nýlega fyrir bæjaryfirvöld.

Í henni var spurt um viðhorf Álftnesinga til helstu álitamála sem upp hafa komið við útfærslu á skipulagi nýs miðbæjar.

Könnunin var gerð til að kanna hug bæjarbúa sem best og tryggja að bæjarstjórn og íbúar verði samstiga við uppbyggingu nýs miðbæjar. Samkvæmt könnuninni er meirihluti bæjarbúa hlynntur tillögu um opin svæði, garða og stíga í stað stórra einkalóða. Sama á við um bílhýsi neðanjarðar, styttingu Breiðumýrar og byggingu bensínsjálfsala. Flestir eru líka á því að tillögurnar komi til móts við óskir og þarfir íbúa um þjónustu og uppbyggingu atvinnulífs.

Mjótt var á mununum þegar spurt var um áform um menningar- og náttúrufræðasetur ásamt ráðstefnuhóteli sunnan Suðurnesvegar. Þar eru álíka margir með og á móti. Möguleiki er að hæð hótelbyggingar hafi haft áhrif á svarendur.

Í úrtaki könnunarinnar voru 720 íbúar á Álftanesi 18 ára og eldri. Það er nálægt helmingi íbúa Álftaness á þessum aldri. Svarhlutfall var 51,7%. Tæplega fjórðungur Álftnesinga yfir 18 ára aldri hefur því svarað spurningum Capacent Gallup 

• 2 blogg um fréttina

Bloggað um fréttina

• Gísli Gíslason: Ótrúleg vinnubrögð Á lista og fréttamennska.
• Magnús Jónsson: Helmingur af 52 prósentum er ekki meirihluti íbúa.