Slagsmál við Draugabarinn

Óskað var eftir aðstoð lögreglu aðfaranótt sunnudags að Draugabarnum á Stokkseyri vegna skemmda á bifreið og slagsmála.  Tveir lögreglumenn fóru á staðinn og segir lögreglan á Selfossi, að þegar þeir komu á staðinn hafi nokkur ólga verið í nokkrum ungum mönnum sem þar voru. 

Einn hafði sig mest í frammi og þegar lögreglumenn ætluðu að taka hann úr umferð streyttist hann á móti og hafði í hótunum við lögreglumenn og sparkaði og beit í þá.  Hann var yfirbugaður þrátt fyrir að nokkrir í hópnum veittust að lögreglumönnunum og reyndu að hindra handtökuna.

• 1 blogg um fréttina

Bloggað um fréttina

• Snorri Bergz: Draugagangur