VG mótmælir harðlega frumvarpi um þingsköp

Þingmenn Vinstrihreyfingarinnar-græns framboðs, mótmæltu því harðlega á Alþingi undir kvöld, að taka ætti til umræðu frumvarp um breytingu á þingsköðum Alþingis.

Sturla Böðvarsson, forseti Alþingis, leggur frumvarpið fram ásamt þingflokksformönnum annarra flokka á þingi utan VG.

Ögmundur Jónasson, þingflokksformaður VG, sagðist harma þau vinnubrögð, sem forseti þingsins, ríkisstjórnin  og stjórnarmeirihlutinn á Alþingi hefðu viðhaft í málinu. Þá sagði Steingrímur J. Sigfússon, formaður VG, að að forseti Alþingis hefði brugðist skyldu sinni að reyna að ná sátt um málið.

Þingflokkur VG hélt blaðamannafund í dag þar sem kynnt var greinargerð flokksins um málið. Þar kemur m.a. fram, að  flokkurinn vilji endurskipuleggja starfshætti Alþingis, þróa Alþingi í átt til faglegri og fjölskylduvænni vinnustaðar og gera breytingar sem raunverulega styrki þingið, þingræðið og lýðræðið í landinu. Þessum markmiðum nái hins vegar hvorki óbreytt frumvarp forseta þingsins og þaðan af síður þau vinnubrögð, að rjúfa hefð um samstöðu um slík mál og keyra þau áfram í ágreiningi við stærsta flokk stjórnarandstöðunnar. 

• 6 blogg um fréttina

Bloggað um fréttina

• Ólafur Jónsson: 15 Mínótur er nú ekki mikið.
• Ingólfur H Þorleifsson: Þetta fer nú að verða vandræðalegt fyrir afturhaldskommana í VG.
• Oddgeir Einarsson: Klám
• Guðmundur Marinó Ásgrímsson: Er þetta frétt ?
• Helgi Már Barðason: Þingskaðar
• Hlynur Hallsson: Hallar enn meira á lýðræðið