Huldi númerið og ók of hratt

Lögreglan á höfuðborgarsvæðinu lýsir eftir ökumanni Subaru-bifreiðar sem var staðinn að hraðakstri á gatnamótum Sæbrautar og Langholtsvegar þriðjudaginn 27. nóvember sl. Bíllinn mældist á 83 km hraða en þarna er leyfður hámarkshraði 60.

Birt er mynd úr hraðamyndavél af bílnum á vef lögreglunnar og sést þar, að búið er að hylja skráningarnúmerið og ökumaðurinn sendir hraðamyndavélinni fingurkveðju.

Segir lögreglan, að atferli ökumannsins beri með sér einbeittan brotavilja. Framkoma sem þessi sé ámælisverð og þá sé ökumaðurinn jafnframt mjög slæm fyrirmynd fyrir unga farþegann á barnsaldri sem situr við hlið hans.

• 6 blogg um fréttina

Bloggað um fréttina

• Helga Linnet: einbeittur brotavilji og fordæmi barnanna
• Egill: Sé ég fingur á lofti?
• Bjartmar Oddur Þ Alexandersson: Finnum hann!
• Stefán Friðrik Stefánsson: Lögreglan leitar að fingralöngum ökumanni
• Guðný Lára: Á örugglega eitthvað sökótt við löggumanninn..!
• Riddarinn : Stórglæpamaður í umferðinni!!!! Réttdræpur fjandi.