Steingrímur J. Sigfússon, þingmaður VG, sagði í umræðum um starfsemi Þróunarfélags Keflavíkurflugvallar á Alþingi í dag, að eðlilegt væri að tortryggni skapist þegar það gerðist, að aðilar ættu í viðskiptum sem sætu beggja vegna borðsins.

„Á mannamáli sagt gerist það einfaldlega, að Sjálfstæðisflokkurinn selur sjálfum sér þessar eignir með býsna hliðstæðum hætti og  annar ónefndur flokkur seldi sjálfum sér banka fyrr á þessari öld," sagði Steingrímur.

Hann sagði ákaflega óheppilegt, að ekki skyldi hafa farið fram formlegt opinbert útboð á fasteignum, hafið yfir allan vafa um að allir stæðu þar jafnt að vígi.

„Auk þess má spyrja: Hvers vegna var þessi áhersla á að selja eignirnar?" spurði Steingrímur og sagði að þær röksemdir stæðust ekki að bullandi undirverð væri réttlætanlegt vegna þess að menn höfðu af því áhyggjur að fasteignamarkaður á svæðinu kæmist ella í uppnám.

Tengdar fréttir

Þróunarfélag Keflavíkurflugvallar

Óánægðir með skýrslu um Þróunarfélag Keflavíkurflugvallar

• Reiknar með að eignasala á Keflavíkurflugvelli skili 8-9 milljörðum
• Vilja rannsóknarnefnd um þróunarfélag
• Virði eigna hefur tvöfaldast
• Tilboð í eignir á Keflavíkurflugvelli birt

» Fleiri tengdar fréttir

• 1 blogg um fréttina

Bloggað um fréttina

• Guðrún Emilía Guðnadóttir: Hvað er að gerast?.