Kísilverksmiðja í Þorlákshöfn

Landsvirkjun og Becromal á Íslandi hf hafa undirritað viljayfirlýsingu um viðræður vegna raforkukaupa til hreinkísilverksmiðju og munu þær viðræður standa yfir a.m.k. til loka janúar. Jafnframt mun Becromal vinna að hagkvæmniathugun á verkefninu.

Um er að ræða verksmiðju sem notar af rafmagni allt að 150 MW og um 1300 GWst á ári. Ef samningar takast er ráðgert að verksmiðjan verði byggð í Þorlákshöfn og fái rafmagn frá nýjum virkjunum í Þjórsá. Gert er ráð fyrir að starfræksla hefjist á árinu 2009 og allt að 400 ársstörf verði unnin í verksmiðjunni. Hreinkísill er notaður í sólarrafala og framleiðsla þess hefur engin skaðlegan úrgangsefni né útblástur í för með sér, samkvæmt tilkynningu.

Nú í sumar undirrituðu Landsvirkjun og Becromal á Íslandi rafmagnssamning vegna raforkukaupa Becromal fyrir rafþynnuverksmiðju á Akureyri þar sem starfa munu um 70 manns og taka mun til starfa á næsta ári, að því er segir í tilkynningu.

• 1 blogg um fréttina

Bloggað um fréttina

• Guðjón Guðvarðarson: Þennsluaukning