Kvartað vegna auglýsingar í Áramótaskaupi

Ari Edwald, forstjóri 365 miðla, hefur sent Ríkisendurskoðun erindi þar sem þess er krarfist að úttekt verði gerð á tekjuöflun Ríkisútvarpsins ohf. Þetta kemur fram í DV í dag og er tilefnið sagt að ákveðið hefur verið að selja einnar mínútu auglysingatíma í miðju Áramótaskaupinu fyrir tæpar 3 milljónir króna.

Sigurður Þórðarson, ríkisendurskoðandi, staðfestir við blaðið að erindið hafi borist.

Haft er eftir Ara í DV, að sala Áramótaskaupsins undirstriki gerbreytta aðkomu RÚV að auglýsingamarkaði eftir að lögum um stofnunina var breytt.

Haft er eftir Páli Magnússyni, útvarpsstjóra, að alveg sé skýrt að lagaheimild sé fyrir auglýsingahléinu.

• 2 blogg um fréttina

Bloggað um fréttina

• Gísli Bergsveinn Ívarsson: Auglýsingar í áskriftarsjónvarpi
• Snorri Bergz: Auglýsingar í Áramótaskaupi