Rán á Litlu kaffistofunni
Setja bókamerki
Karlmaður og kona frömdu rán vopnuð hnífi og bareflum á Litlu kaffistofunni við Suðurlandsveg í morgun um klukkan hálf átta. Fólkið náðist skömmu síðar og þeir fjármunir sem það hafði á brott með sér. Lögreglan á Selfossi hefur málið til rannsóknar.
Stefán Þormar Guðmundsson, eigandi Litlu kaffistofunnar, var við afgreiðslu þegar þetta gerðist og segir að hann hafi gripið stunguskóflu til að verja sig með. Maðurinn reyndi að slá hann í höfuðið með hafnaboltakylfu en Stefán náði að beygja sig og kylfan lenti í peningakassanum.
„Þegar kassinn splundraðist á gólfinu náði daman skiptimyntinni. Þá reiddi maðurinn kylfuna til höggs á nýjan leik og miðaði á höfuðið á mér, en ég slapp aftur," segir Stefán.
Kona Stefáns og dóttir voru inni í eldhúsi, þær hringdu í lögregluna og settu neyðarkerfið í gang. Við það rauk parið á dyr að sögn Stefáns.
Parið náðist á gangi í Lögbergsbrekkunni skömmu síðar. Lögreglan á Selfossi vinnur nú að rannsókn málsins.
Hentugt gos fyrst gýs á annað borð
50 milljónir eiga að minnka svindl um 1 milljarð
Hulda saksóknari: „Tökum þetta ekki til greina“
Vegirnir voru eins og borðstofuborð
Reiðubúin að aflýsa verkföllum í fjórum leikskólum
Ekki vandamál að vera karlmaður
Hraun kemur úr þremur gígum: Virknin stöðug