Þæfingsfærð í borginni
Snjór ruddur á Fríkirkjuvegi í dag.
Ómar Óskarsson
Setja bókamerki
Þrátt fyrir þæfingsfærð vegna snjókomunnar á höfuðborgarsvæðinu í dag hefur umferð gengið áfallalítið, að sögn lögreglunnar.
Tveir árekstrar urðu um þrjúleytið við Hvalfjarðargöngin, hver á fætur öðrum, og voru alls þrír fluttir á slysadeild. Enginn mun hafa verið alvarlega slasaður.
Mikil hálka og slæmt skyggni var á vettvangi.
Að sögn lögreglunnar var tilkynnt um einn árekstur til viðbótar á höfuðborgarsvæðinu í dag, hann varð á mótum Borgartúns og Kringlumýrarbrautar, en var minniháttar.
Snjó hefur kyngt niður í höfuðborginni í dag, og samkvæmt veðurspá tekur hann væntanlega ekki upp fyrr en um helgina. Margir snjókarlar og -kerlingar - og jafnvel -kettir - hafa sprottið upp í görðum borgarbúa í dag.
„Börn heima sem maður myndi vilja hafa í skjóli“
„Tímabil aukinnar eldvirkni“
„Þetta er ríkisstjórn almannahagsmuna“
Þetta eru ráðherrar ríkisstjórnarinnar
Stormur á Þorláksmessu en víðast hvar stefnir í hvít jól
Víkingar komnir yfir 800 milljónir í greiðslur
Fyrsti blaðamannafundurinn í heild sinni
