Vélsleðamaður ók á vegg

Vélsleðamaður slasaðist þegar hann ók á vegg á sveitabæ í nágrenni við Selfoss um kl. 16:30 í dag. Að sögn lögreglu var maðurinn óvanur vélsleðum, og gestkomandi á bænum, og leiddi ruglingur til þess að maðurinn gaf í í stað þess að hægja á sér.

Lögreglan segir að maðurinn hafi slasast á fæti, en hann skarst talsvert þegar hann fór með annan fótinn í gegnum rúðu. Maðurinn hugðist leggja sleðanum undir veggnum þegar slysið varð.

Maðurinn var fluttur á slysadeild í Reykjavík. Hann slapp hinsvegar við höfuðmeiðsl og beinbrot segir lögregla. 

Vélsleðinn skemmdist talsvert við áreksturinn. 

• 1 blogg um fréttina

Bloggað um fréttina

• Sandra Dögg Guðmundsdóttir: Stórhættulegt!