Rúm 13.000 hegningarlagabrot

Hegningarlagabrot árið 2007 voru rúm 13 þúsund talsins sem er svipaður fjöldi og árið á undan. Umferðarlagabrot voru hins vegar fleiri en síðustu fjögur ár sem má einkum rekja til fjölgunar hraðakstursbrota, að því er fram kemur í bráðabirgðatölum ríkislögreglustjóra.

Fíkniefnabrotum fjölgar um 16% árið 2007 ef miðað er við meðalfjölda brota árin 2002-2006 og brotum gegn lífi og líkama um 6%.

Áfengislagabrotum og brotum gegn friðhelgi einkalífsins fækkaði hins vegar um fjórðung frá meðaltali áranna 2002-2006 og auðgunarbrotum um 29%.

Skjalafalsbrot voru 213 talsins það sem af er ári 2007 en 362 að meðaltali 2002-2006, sem jafngildir 41% fækkun.

Samantekt um fjölda afbrota árið 2007 má nálgast hér.

• 1 blogg um fréttina

Bloggað um fréttina

• Sigurpáll Björnsson: Röng túlkun að mínu mati