Víða hefur flætt inn í kjallara á höfuðborgarsvæðinu og hafa slökkviliðs- og björgunarsveitarmenn haft í nógu að snúast við að aðstoða við að losa stífluð niðurföll og dæla vatni. Skemmdir hafa orðið í verslun Intersport við Bíldshöfða í Reykjavík, en talsvert flæddi inn í kjallara verslunarinnar.

Þá hafa björgunarsveitarmenn einnig þurft að dæla vatni úr bát sem liggur bundinn við Reykjavíkurhöfn.

Samkvæmt upplýsingum frá Samhæfingarmiðstöðinni í Skógarhlíð er umferð aftur orðin eðlileg um Kringlumýrarbrautina, en hún var lokuð í aðra áttina um tíma vegna vatnselgs.

Björgunarsveitarmenn Slysavarnarfélagsins Landsbjargar hafa þurft að sinna verkefnum víða um Norðurlans, s.s. Húsavík, Akureyri og á Sauðárkróki. Auk þess hefur nóg að gera um allt Vesturland og allt austur að Hvolsvelli.