Æ dýrara í rekstri

Kostnaður við rekstur embættis forseta Íslands hefur aukist um 142 prósent
að raunvirði síðan Ólafur Ragnar Grímsson tók við embættinu. Í ríkisreikningi fyrir árið 1995 kemur fram að kostnaður vegna embættisins hafi verið 50 milljónir króna að verðgildi þess árs sem jafngildir um 81 milljón króna á núverandi verðlagi. Á fjárlögum fyrir árið í ár er kostnaðurinn áætlaður 196,4 milljónir króna.

Ólafur Ragnar var kjörinn forseti árið 1996 með tæplega 41 prósenti
atkvæða. Hann tilkynnti í nýársávarpi sínu á þriðjudag að hann ætlaði sér
að bjóða sig aftur fram.

24 stundir sögðu frá því í lok október síðastliðins að forsetinn hefði
farið í sextán ferðir til útlanda á árinu í opinberum erindagjörðum. Hann
hafði þá eytt 98 dögum á erlendri grund á árinu 2007. Þá eru ekki taldar
með þær ferðir sem hann fór í einkaerindum.

• 4 blogg um fréttina

Bloggað um fréttina

• Gestur Guðjónsson: Herferð farin af stað gegn forseta vorum.
• Námsmaður bloggar: Hann hefur verið landi og þjóð til sóma.
• Alfreð Símonarson: Voru ekki einhverjir að tvöfalda launin sín fyrir nokkrum árum?
• Magnús Helgi Björgvinsson: Það er nú ýmislegt við þetta að athuga!