Slökkvilið höfuðborgarsvæðisins hefur verið kallað út vegna elds í geymslu á jarðhæð í fjölbýlishúsi við Jórufell í Breiðholti. Reyk lagði um stigaganga hússins og var ein kona, sem er haldin öndunarfærasjúkdómi, flutt á slysadeild vegna óþæginda af völdum reyksins.

Að sögn Jóns Viðar Matthíassonar, slökkviliðsstjóra, var talsvert mikill reykur í húsinu og er unnið við að reykræsta. Fólk í húsinu var ekki talið í hættu. 

Á sama tíma og slökkviliðið var að fást við eldinn í geymslunni barst útkall vegna elds í kjallaraíbúð við Álfaskeið í Hafnarfirði. Einn bíll var sendur á staðinn og tókst fljótlega að slökkva eldinn.

Ein kona var flutt á sjúkrahús vegna óþæginda af völdum reyksins. mbl.is/Júlíus

Tengdar fréttir

Eldur í Jórufelli

Grunur um íkveikju í Jórufelli

• Sótt með körfubíl í Jórufelli

• 2 blogg um fréttina

Bloggað um fréttina

• Guðjón Petersen: Öflugt björgunarlið
• Stefán Friðrik Stefánsson: Kveikt í fjölbýlishúsi