Segir Guðna hafa sterka framtíðarsýn fyrir Orkustofnun

Össur Skarphéðinsson, iðnaðarráðherra, segir í rökstuðningi fyrir ráðningu í starf orkumálastjóra, að Guðni A. Jóhannesson, sem ráðinn var, hafi sterka framtíðarsýn fyrir Orkustofnun og sé líklegri en aðrir umsækjendur til að hleypa nýju blóði í starfsemi hennar.

Ragnheiður I. Þórarinsdóttir, aðstoðarorkumálastjóri, óskaði eftir rökstuðningi ráðherra en hún var ein af umsækjendunum um stöðuna.

Í svari ráðherra segir m.a., að umhverfisþáttur orkuferlisins og hlutur hans í sjálfbærri þróun samfélagsins sé sérstakt áhugamál og viðfangsefni Guðna svo og ímynd íslenskrar orku og orkutengdar framleiðslu á alþjóðlegum markaði.

Þá segir, að samskiptahæfileikar veki sérstaka athygli í ferli Guðna en hann hafi m.a. unnið að auknum tengslum rannsókna við atvinnulífið og samfélagið. Hann sé virtur innan alþjóðasamfélagsins og eftirsóttur fyrir fyrirlestrahalds á alþjóðavettvangi.

Þá hafi hann verið í hlutverki ráðgjafa fyrir ríkisstjórnir, bæði þær sænsku og íslensku og þess sé skemmst að minnast að hann var nýlega kvaddur til fundar við forsætisráðherra Svía til að kynna honum möguleika í orkunýtingu.

• 6 blogg um fréttina

Bloggað um fréttina

• Bjarni Kjartansson: Össi er bara vinur vina sinna
• Óli Björn Kárason: Nýtt blóð er nauðsynlegt
• Jóhannes Ragnarsson: Vinavæðing Össurar skarpa
• Benedikt V. Warén: Einkavinavæðingin ekki dauð.
• Snorri Bergz: Heyrðu, Össur, félagi
• Sigurjón Sveinsson: Léleg blaðamennska, bréfið segir miklu, miklu meira.