Afgreiðslumaður lenti í ryskingum við meintan þjóf

Síðdegis var tilkynnt um þjófnað í verslun í miðborginni, og þar kom jafnframt til ryskinga á milli afgreiðslumanns og tæplega fertugrar konu  sem er grunuð um þjófnaðinn. Konan var handtekin og færð á lögreglustöð, að því er segir í tilkynningu frá lögreglunni á höfuðborgarsvæðinu í dag.

Þá greindi lögreglan frá því að þýfi hafi fundist við húsleit í Breiðholti um hádegisbil í gær. Fátt varð um svör þegar húsráðandi var spurður um tilkomu þess. Lögreglan telur sig vita fyrir víst hvaðan hlutunum var stolið og verður þeim komið aftur í réttar hendur.

Í Kópavogi fundust líka munir við húsleit og þar átti húsráðandi í sömu vandræðum með að gera grein fyrir því sem kom í leitirnar, enda leikur grunur á að um þýfi sé að ræða.

• 2 blogg um fréttina

Bloggað um fréttina

• Fríða Rakel Kaaber: Hvað er með þessa ljósmynd?
• Snorri Bergz: Ryskingar við kvenþjóf