Líkamsárás í Kópavogi

Líkamsárás var framin í Kópavogi um hádegisbil í dag, að sögn lögreglu, og var einn maður fluttur á sjúkrahús með skurð á enni, og annar handtekinn, grunaður um verknaðinn. Málið er í rannsókn.

Lögregla taldi ástæðu til að fara mjög varlega um vettvang árásarinnar þar sem grunur lék á að annar mannanna kynni að vera berklasmitaður.

Leitaði lögreglan því aðstoðar sjúkraflutningamanna sem hafa reynslu og þekkingu til að bregðast við þegar grunur er um smit sem þetta.