Innlent | mbl | 13.1.2008 | 12:57 | Uppfært 13:57

Drykkjusiðir Íslendinga orðnir meinlausari

mbl.is/Golli

Miðað við vestrænar þjóðir er heildarneysla áfengis á Íslandi með minnsta móti, jafnvel þótt veruleg aukning hafi orðið á áfengisneyslu hérlendis á síðustu árum. Þetta kemur fram í grein eftir Bjarna Þjóðleifsson lækni í nýjasta hefti Læknablaðsins.

Fréttablaðið greinir frá þessu í dag.

Bjarni segir ávinning þjóðarinnar af þessari litlu drykkju vera mikinn. Heilbrigðisvandamál tengd ofneyslu áfengis séu lítil hérlendis miðað við önnur Vesturlönd. Takmarkanir á aðgengi að áfeng, s.s. hátt verð, eigi stóran þátt í þessu.

Ennfremur segir Bjarni í greininni að með tilkomu bjórs hafi drykkjusiðir Íslendinga orðið meinlausari.

Kveðst Bjarni telja að frumvarp sem kveður á um afnám einokunarsölu ríkisins á áfengi, og heilbrigðismálaráðherra hefur lýst stuðningi við, stofni þessum árangri í hættu.

Grein Bjarna í Læknablaðinu