Snjóbolti á Selfossi

Undanfarna daga hefur verið hnédjúpur snjór yfir gervigrasvellinum á Selfossi og æfingar fallið niður. Þar sem ekki er leyfilegt að fara með snjóruðningstæki inn á gervigrasið boðuðu nokkrir knattspyrnuunnendur til handmoksturs í dag.

Um fimmtíu manns mættu með snjómokstursáhöld og mokuðu fjórðung vallarins. Á fjórða hundrað manns æfa knattspyrnu á Selfossi og hafa nánast allar æfingar legið niðri í vikunni þar sem hitakerfi vallarins hefur ekkert náð að vinna á fannfergi síðustu daga.

Með því að moka af vellinum er hægt að flýta fyrir snjóbræðslunni sem er í fullum gangi undir snjóbreiðunni.

• 3 blogg um fréttina

Bloggað um fréttina

• Gísli Foster Hjartarson: Hálfnað verk þá hafið er!
• Námsmaður bloggar: Frábært framtak hjá iðkenndum á Selfossi
• Bros: Fátt eins hressandi