Skólahald fellur niður í Heiðarskóla á Hvalfjarðarströnd í dag vegna veðurs, að því er fram kemur á vef skólans. Kennsla fellur niður í Grunnskóla Borgarfjarðar í dag, bæði á Kleppjárnsreykjum og á Hvanneyri en á Hvanneyri eru foreldrar beðnir um að halda börnum heima þar til veður batnar, samkvæmt upplýsingum frá skólastjóra Grunnskóla Borgarfjarðar.

Kennt er í grunnskólanum í Borgarnesi en samkvæmt upplýsingum frá skólanum er það í höndum foreldra hvort þeir senda börn í skólann. Jafnframt liggur skólaakstur að hluta til niðri vegna mikillar hálku á Mýrum.

Á vef RÚV kemur fram að kennsla fellur einnig niður í Grunnskólanum á Borðeyri og í Kirkjubæjarskóla á Síðu.

Samkvæmt upplýsingum frá grunnskólum í Vestmannaeyjum verður skólahald með eðlilegum hætti í dag.

Tengdar fréttir

Óveður

Tafir á flugi frá landinu

• Sextíu menn við björgunarstörf
• Hellisheiði lokuð
• Þakplötur fuku á Reykjanesi
• Gat ekki lent í Keflavík

» Fleiri tengdar fréttir

• 1 blogg um fréttina

Bloggað um fréttina

• Bergur Thorberg: Skólahald er nýyrði