Pétur mikli strandaði við Ólafsvíkurhöfn

 Dýpkunarskipið Pétur mikli, sem er að vinna við dýpkunarframkvæmdir í Ólafsvíkurhöfn, tók niðri í morgun austan við höfnina er skipið var að fara með grjótfarm og losa hann nálægt austurkantinum.

Að sögn Péturs Bogasonar hafnarvarðar í Ólafsvík, hefur skipstjórinn á Pétri mikla misreiknað dýpið, en Pétur mikli tók niðri á á stað þar sem dýpið er einungis einn metri. Situr skipið nú á grjóthrúgu. Dýpkunarkrani reyndi að losa Pétur mikla í morgun en tókst það ekki.

„Það er flóð um klukkan 19 í kvöld og þá verður reynt að losa skipið," sagði Pétur Bogason í samtali við fréttaritara Morgunblaðsins í morgun.

• 1 blogg um fréttina

Bloggað um fréttina

• Níels A. Ársælsson.: Пётр I Алексеевич