Vinnueftirlitið með eftirlit á börum um helgina

Vinnueftirlitið hafði eftirlit með krám í Reykjavík um helgina eftir að félag kráareigenda ákvað að leyfa viðskiptavinum að reykja inni á börum.

Eyjólfur Sæmundsson, forstjóri Vinnueftirlitsins segir að eftirlit hafi verið með krám í Reykjavík bæði á föstudags og laugardagskvöld.  Aðspurður hvort kráareigendur sem leyfðu reykingar verði kærðir segir Eyjólfur að verið sé að vinna í málinu og að ákvörðun um framhaldið liggi ekki fyrir.

Með þessum aðgerðum vildi félag kráareigenda mótmæla reykingalöggjöfinni með því að leyfa viðskiptavinum sínum að reykja inni á stöðunum.   Félagið segir lögin vera illa unnin og að félagið krefjist þess að yfirvöld endurskoði þau.

• 1 blogg um fréttina

Bloggað um fréttina

• Magnús Helgi Björgvinsson: Vildi að vinnueftirlitið fylgdist svona vel með öðrum vinnustöðum