Vopnað bankarán í Lækjargötu
Setja bókamerki
Vopnað rán var framið í Lækjargötu nú í morgun í bankaútibúi Glitnis, skömmu eftir að bankinn var opnaður. Karlmaður vopnaður öxi ógnaði starfsfólki og hafði síðan eitthvað af fjármunum á brott með sér, að sögn lögreglu.
Lögreglan segir, að ræninginn, sem sé talinn vera á aldrinum 20-25 ára, sé hvítur á hörund. Hann er fölleitur og með kringluleitt andlit. Maðurinn var klæddur í gráa hettupeysu og með svarta húfu þar undir. Hann var í svörtum jakka utanyfir og bar svört sólgleraugu.
Talið er að ræninginn, sem er enn ófundinn, sé um 175 sm á hæð en hann var með svartan og gráan bakpoka meðferðis.
Lögreglan segir, að rannsókn málsins sé á frumstigi.
Þetta eru ráðherrar ríkisstjórnarinnar
„Þetta er ríkisstjórn almannahagsmuna“
„Mér finnst gamla Samfylkingin komin aftur“
Fyrsti blaðamannafundurinn í heild sinni
Skattamál verði líklega „þeirra mesta klemma“
Lyklaskipti í ráðuneytunum
