Sáttamiðlun gefur góða raun

Á þriðja tug mála hefur verið vísað til sáttamiðlunar frá því að tilraunaverkefni um sáttamiðlun í sakamálum var innleitt á haustmánuðum 2006 á höfuðborgarsvæðinu. Hefur sáttamiðlun nú verið innleidd hjá öllum lögreglustjóraembættum á landinu.

Í skýrslu eftirlitsnefndarinnar kemur fram að sátt hafi náðst í öllum málunum og málsaðilar séu almennt ánægðir með niðurstöðuna. Til að mál geti farið í sáttamiðlun verður brot að vera smáfellt og/eða varða við ákvæði almennra hegningarlaga nr. 19/1940 um þjófnað, gripdeild, húsbrot, hótun, eignaspjöll, minniháttar líkamsárás, nytjastuld eða minniháttar brot gegn valdstjórninni. Ákærandi metur hvort mál séu tæk til slíkrar úrlausnar. finni gerandi og þolandi lausn á málinu gera þeir með sér sáttasamning.

Þegar sáttasamningurinn er efndur er málið fellt niður en að öðrum kosti fer það sína hefðbundnu leið í réttarkerfinu.

Vefrit dóms- og kirkjumálaráðuneytisins. 

• 1 blogg um fréttina

Bloggað um fréttina

• Guðrún Helgadóttir: athyglisverð leið