Sumarbústaður tókst á loft

Sumarbústaður á Borgarfirði eystri tókst á loft í miklu hvassviðri um miðjan daginn og fauk fram í fjöru þar sem hann er orðinn að spýtnabraki einu saman. Bústaðurinn stóð inni í þorpinu og frammi á bakka nærri sjó. Ekkert er eftir í grunni hússins nema eitt salerni.

Á Borgarfirði fuku líka þakplötur af gömlum fjárhúsum.

Þá varð Gróðrarstöðin Barri á Valgerðarstöðum í Fellum fyrir talsverðu tjóni þegar plötur fuku af nýjum gróðurhúsum stöðvarinnar. Nokkrar skemmdir eru á húsum og búnaði.

Mjög hvass vindur var í Fellum í morgun og reyndu björgunarsveitarmenn að fergja og festa það sem sýnt þótti að myndi fara af stað í mestu vindhviðunum, en þær náðu allt að 43 m/sek undir hádegið.

• 2 blogg um fréttina

Bloggað um fréttina

• Þórey Birna Jónsdóttir: Það vantar ekki í þá vindinn!
• Ólafur Björnsson: Myndir af salerninu...