Bannað að reykja í Alþingishúsinu

Reykingar verða bannaðar í Alþingishúsinu frá og með 1. júni næstkomandi, samkvæmt samþykkt forsætisnefndar Alþingis í dag. Þetta kemur fram í fréttatilkynningu. Reykingar eru nú leyfðar í sérstöku loftræsu herbergi í húsinu samkvæmt heimild í reglugerð.

Í fréttatilkynningu frá forseta Alþingis, Sturlu Böðvarssyni, í dag segir:

„Á fundi forsætisnefndar Alþingis í dag, hinum 500. frá því að Alþingi hóf að starfa í einni málstofu árið 1991, samþykkti nefndin eftir tillögu forseta Alþingis, Sturlu Böðvarssonar, að banna reykingar í Alþingishúsinu frá og með 1. júní næstkomandi. Bannið nær til þinghússins, skrifstofubygginga Alþingis, Alþingisgarðsins og annars staðar á lóð þingsins.“

• 2 blogg um fréttina

Bloggað um fréttina

• Andrés Magnússon: Aumkunarvert Alþingi
• Helga Dögg Sverrisdóttir: Þó fyrr hefði verið