Slagsmál á Raufarhöfn

Annasamt var hjá þeim lögreglumönnum sem stóðu vaktina á Raufarhöfn í nótt þar sem haldið var fjörugt þorrablót. Kalla þurfti út lækni frá Kópaskeri vegna manns sem sló í gegnum rúðu og ökklabrotnaði í slagsmálum við annan mann.

Einnig þurfti lögreglan að stöðva slagsmál í heimahúsi undir morgun en þar hlaut maður skurð á augabrún og missti tönn er hann var sleginn í andlitið með flösku. Sá sem lagði til hans með flöskunni fór síðan út og vann skemmdir á bifreið sem þar stóð.

Það voru tveir lögreglumenn frá Þórshöfn á Langanesi sem stóðu vaktina á Raufarhöfn í nótt. 

• 2 blogg um fréttina

Bloggað um fréttina

• Bergur Thorberg: Ríkir gleði á Raufarhöfn
• Magnús Geir Guðmundsson: Ó, Raufarhöfn!