Réttindalaus ökumaður á níræðisaldri

Sjö réttindalausir ökumenn, allt karlar, voru stöðvaðir á höfuðborgarsvæðinu um helgina. Fimm þeirra reyndust hafa verið sviptir ökuleyfi og tveir höfðu aldrei öðlast ökuréttindi.  Ökumennirnir eru á ýmsum aldri en sá elsti í hópnum er á níræðisaldri og hefur áður gerst sekur um umferðarlagabrot. 

Þá voru 12 ökumenn teknir fyrir ölvunarakstur á höfuðborgarsvæðinu um síðustu helgi. Fimm voru stöðvaðir á laugardag og sjö á sunnudag. Tíu voru teknir í Reykjavík og einn í Kópavogi og Garðabæ. Þetta voru allt karlmenn á aldrinum 17-50 ára. Fjórir í þessum hópi eru undir tvítugu og jafnmargir eru á þrítugsaldri.

Á sama tímabili tók lögreglan tvo ökumenn sem voru undir áhrifum fíkniefna. Annar var stöðvaður í Reykjavík en hinn í Mosfellsbæ. Um var að ræða tvo karlmenn á fertugsaldri.

• 1 blogg um fréttina

Bloggað um fréttina

• Kristín Björg Þorsteinsdóttir: Ætli þeir hafi lent í þessu?