Lækkun skatta tengd samningum

Geir H. Haarde, forsætisráðherra, sagði á Viðskiptaþingi í dag að ríkisstjórnin væri reiðubúin til að greiða fyrir þeim kjarasamningum á almennum markaði. Vísaði Geir í  því sambandi sérstaklega til þess sem segir í stefnuyfirlýsingu hennar um lækkun á sköttum einstaklinga og fyrirtækja.

Í stjórnarsáttmálanum segir, að stefnt skuli að frekari lækkun skatta á einstaklinga á kjörtímabilinu, meðal annars með hækkun persónuafsláttar. Ríkisstjórnin muni vinna að endurskoðun á skattkerfi og almannatryggingum til að bæta hag lágtekjufólks og millitekjufólks. Þá skuli fyrirtæki búa við stöðugt og örvandi skattaumhverfi og á kjörtímabilinu verði leitað leiða til að lækka frekar skatta á fyrirtæki. Einnig verði kerfi óbeinna skatta, s.s. vörugjalda og virðisaukaskatts, i endurskoðað. og stimpilgjald í fasteignaviðskiptum afnumið á kjörtímabilinu þegar aðstæður á fasteignamarkaði leyfa.

Ráðherrar hafa sagt, að aðgerðir til að lækka skatta þurfi að vera rétt tímasettar og falla að þeirri hagþróun sem sé í landinu á hverjum tíma.

• 5 blogg um fréttina

Bloggað um fréttina

• Runólfur Jónatan Hauksson: Nú nú......
• Örvar Már Marteinsson: Skattalækkanir - óskalistinn
• Guðrún Emilía Guðnadóttir: Moka nú bara yfir svona yfirlýsingar.
• Björgvin Guðmundsson: Ætlar rikisstjórnin að lækka skatta?
• Theódór Norðkvist: Ríkið að greiða niður laun atvinnulífsins