Þingmenn fái að ráða aðstoðarmenn

Forsætisnefnd Alþingis hefur lagt fram frumvarp sem gerir ráð fyrir því að þingmönnum sé heimilt að ráða sér aðstoðarmenn eftir reglum, sem forsætisnefnd setur og fjárveitingar á fjárlögum heimila.

Gert er ráð fyrir að þessi heimild nái í upphafi til formanna stjórnarandstöðuflokka, sem fái að ráða aðstoðarmenn í fullt starf, og þingmanna Norðvestur-, Norðaustur- og Suðurkjördæma, sem fái að ráða aðstoðarmenn í hlutastarf.

Um er að ræða útfærslu á samkomulagi, sem þingflokkar gerðu samhliða breytingum á þingsköpum Alþingis í vetur. Samkomulagið gerði ráð fyrir að starfsaðstaða þingmanna yrði bætt, ekki síst stjórnarandstöðuþingmanna, með ýmsum ráðum.

Frumvarpið í heild

• Blogga um frétt