Alþjóðlegt skákmót í Djúpavík

Skákfélagið Hrókurinn ætlar að halda opið alþjóðlegt atskákmót í Djúpuvík í Árneshreppi á Ströndum, helgina 20.-22. júní í sumar. Mótið er haldið til minningar um Pál Gunnarsson, einn af stofnendum Hróksins.  Teflt verður  í gömlu síldarverksmiðjunni í Djúpuvík.

Páll Gunnarsson, sem lést árið 2006, tók þátt í stofnun Hróksins 1998 og tefldi flestar skákir allra liðsmanna félagsins á Íslandsmóti skákfélaga. Páll, sem ættaður var af Ströndum, var einn traustasti liðsmaður Hróksins og tók virkan þátt í skáklandnáminu á Grænlandi. 

• 2 blogg um fréttina

Bloggað um fréttina

• Vilborg Traustadóttir: Djúpavík
• Níels A. Ársælsson.: Til hamingju Hrafn