Ránstilraun í skartgripabúð

Maður var staðinn að því að brjóta rúðu með sleggju í skartgripaverslun við Ingólfstorg í Reykjavík í morgun.

Til mannsins sást í myndavélakerfi lögreglunnar og fóru lögreglumenn á vettvang.  Þegar lögreglu bar var maðurinn enn í versluninni en hann hljóp á brott þegar lögreglubíll kom.  Lögregla elti manninn sem komst undan í bíl með öðrum manni. 

Nokkru síðar er lögreglu tilkynnt um bíl á ofsahraða í Skerjafirði.   Lögregla fann svo bílinn mannlausan en sá til  tveggja fótgangandi manna, sem hlupu á brott og köstuðu frá sér þýfinu þegar þeir sáu lögregluna nálgast. 

Að sögn lögreglunnar á höfuðborgarsvæðinu er að öllum líkindum búið að finna alla munina, sem teknir voru í versluninni en um var að ræða verðmæta skartgripi.  

• 1 blogg um fréttina

Bloggað um fréttina

• Bergur Thorberg: Sleggjudómar á konudaginn