Faldi sig í félagsheimili og stal ferðasjóðnum

Peningum var stolið úr ferðasjóði félagsheimilisins Rauðagerði í Vestmannaeyjum í síðustu viku. Að sögn lögreglunnar er talið, að sá sem þarna var að verki hafi falið sig inni í húsinu og síðan látið til skara skríða eftir að starfsfólkið var farið.  

Lögreglan segir, að ekki sé vitað hver þarna var að verki en þeir sem einhverjar upplýsingar hafa um það eru beðnir um að hafa samband.