Innlent | mbl | 2.3.2008 | 13:01

Innisnjóaðir Vestmannaeyingar

Þessi snáði heitir Grétar Þorgils og þurfti hann ekki að hringja á hjálp úr skafli þó aðrir eyjapeyjar hafi lent í slíku í morgun. mbl.is/Ómar Garðarsson

Á sjúkrahúsinu í Vestmannaeyjum hefur starfsfólkið þurft að ganga tvöfaldar vaktir þar sem einungis þeir sem búa í næstu húsum hafa komist til og frá vinnu. Starfsmaður á sjúkrahúsinu sagði í samtali við Fréttavef Morgunblaðsins að hún hefði staðið vaktina síðan klukkan ellefu í gærkvöldi.

Starfsfólk sjúkrahússins bíður eftir aðstoð björgunarsveitarinnar en mjög slæmt verður er í Vestmannaeyjum og stórhríð.

„Einn starfsmaður reyndi að komast hingað en villtist á leiðinni," sagði Sigurrós Úlla Steinþórsdóttir í samtali við Fréttavef Morgunblaðsins.

Hringdi á hjálp úr skafli

Einnig fréttist af 14 ára dreng sem hélt fótgangandi heim á leið eftir að vakt lauk við loðnuvinnsluna en greip til farsímans og hringdi og bað um aðstoð þar sem hann sat fastur í skafli sem náði honum upp yfir haus.