Fóðurblöndutollar verða felldir niður

Landbúnaðarráðherra, Einar K. Guðfinnsson segir að verið sé að vinna að því að verða við tilmælum Samkeppnisráðs og fella niður innflutningstolla á fóðurblöndum til að stuðla að lækkun framleiðslukostnaðar og matvælaverðs.

Fjögurra krónu tollur er sem stendur lagður á hvert kíló af  innfluttri fóðurblöndu. „Ég hef ákveðið að fella niður þetta gjald. Við höfum verið að undirbúa þetta í ráðuneytinu," sagði Einar í viðtali við RÚV. Hann sagðist trúa því að bæði myndi skýrast  hvernig og hvenær niðurfelling gjaldanna færi fram síðar í þessum mánuði.

• 2 blogg um fréttina

Bloggað um fréttina

• Guðrún María Óskarsdóttir.: Innlend framleiðsla fóðurbætis fyrir íslenzkar kýr, er það alltof dýrt …
• Örvar Már Marteinsson: Góð byrjun?