Skemmtanahald takmarkað um bænadagana

Skemmtanir, svo sem dansleikir eða einkasamkvæmi á opinberum veitingastöðum eða á öðrum stöðum sem almenningur hefur aðgang að, eru bannaðar á ákveðnum tíma um bænadaga og páska.

Hið sama gildir um opinberar sýningar og skemmtanir þar sem happdrætti, bingó eða önnur spil fara fram.

Tekið er fram á heimasíðu lögreglu höfuðborgarsvæðisins, lrh.is, að listsýningar, tónleikar, leiksýningar og kvikmyndasýningar eru undanþegnar banni um helgidagafrið föstudaginn langa en slíkir viðburðir mega þó ekki hefjast fyrr en klukkan 15 umræddan dag.