Friðarsúlan tendruð í eina viku

Næstkomandi fimmtudag verður kveikt á listaverki Yoko Ono, Imagine Peace Tower í Viðey. Í eina viku verður friðarsúlan tendruð kl.21:00 og slökkt á miðnætti, að því er fram kemur í fréttatilkynningu

Í tengslum við þessa friðarviku á vorjafndægri, standa alþjóðlegu sjálfboðaliðasamtökin AUS og Höfuðborgarstofa fyrir dagskrá í Viðey að kvöldi skírdags.

Viðeyjarstofa verður opin og geta gestir fengið sér hressingu. Ljósmyndasýning á vegum ljosmyndasamkeppni.is verður opnuð í hesthúsinu í Viðey og einnig verður boðið upp á kennslu í næturljósmyndun með friðarsúluna sem viðfangsefni.

Áður en friðarsúlan verður tendruð verða ljósahnettir sendir á loft, barnakór syngur lög frá ýmsum löndum og viðstöddum verða boðin stjörnuljós og friðarkerti.

Ferðir til Viðeyjar verða farnar kl.19:00 og 20:00, frá Viðey kl.21:30 og 22:00. Upplýsingar um verð og brottfararstað er að finna hér

• 3 blogg um fréttina

Bloggað um fréttina

• Kjartan Pétur Sigurðsson: FRIÐUR SÉ MEÐ YÐUR - MYNDIR
• Hvíti Riddarinn: Enginn friður
• Þorsteinn Valur Baldvinsson: Láta loga