Vilja aðildarviðræður við ESB

Stjórn Alfreðs, félags ungra framsóknarmanna í Reykjavíkurkjördæmi suður, skorar á íslensk stjórnvöld að bregðast tafarlaust við hinum mikla vanda sem nú herjar á íslenskt efnahagslíf.

Segir félagið í ályktun, að það sé óþolandi að horfa upp á ríkisstjórn landsins sitja með hendur í skauti sér og aðhafast ekkert á sama tíma og yfirvofandi kreppa þurrki út mikinn efnahagsárangur sem náðst hafi  á undanförnum árum," segir í ályktuninni.  

Segist stjórnin telja að aðildarviðræður við Evrópusambandið sé æskilegur vettvangur til þess að láta reyna á hvort hagsmunum Íslendinga verði betur borgið innan sambandsins eða utan. Taktleysi ríkisstjórnarflokkanna í Evrópumálum sé vandræðalegt og ekki til þess fallið að auka trúverðugleika í annars erfiðu árferði. 

„Framsóknarflokkurinn er eini stjórnmálaflokkurinn sem hefur farið út í þá metnaðarfullu vinnu að skilgreina samningsmarkmið Íslands í aðildarviðræðum. Fólkið og fyrirtækin í landinu þola ekki þessa biðstefnu stjórnvalda, stefnu sem frestar nauðynlegum úrbótum á samfélaginu vegna valdastóla og innbyrðis valdabaráttu ríkisstjórnarflokkanna. Hættum að bíða! Stjórn Alfreðs skorar á stjórnvöld að marka sér samningsmarkmið og hefja tafarlaust aðildarviðræður við Evrópusambandið," segir síðan.

• 4 blogg um fréttina

Bloggað um fréttina

• maddaman: Ónýt ríkisstjórn!
• Gunnlaugur B Ólafsson: Að hindra mat á vilja þjóðar
• jósep sigurðsson: Tilvistarkreppa Framsóknar.
• Guðmundur Jónas Kristjánsson: Aðförin að Guðna er komin á fulla ferð