15 ára ökumaður ók útaf

Fimmtán ára drengur ók útaf veginum er hann missti stjórn á bifreið sem hann ók í Bolungarvík um klukkan 3 í dag. Faðir drengsins var með honum í bílnum og var hann að sögn lögreglunnar á Ísafirði undir áhrifum áfengis.

„Við sáum það á hjólförunum að það mátti ekki muna nema 10 sentímetrum að drengurinn færi á ljósastaur," sagði varðstjóri lögreglunnar í samtali við Fréttavef Morgunblaðsins.

Drengurinn sem aldurs síns vegna er ekki með ökuréttindi missti stjórn á bílnum í snjó og hálku er hann var að taka framúr annarri bifreið og endaði för hans að sögn lögreglu langt utan vegar. 

• 3 blogg um fréttina

Bloggað um fréttina

• Mummi Guð: Hvað er í höfðinu á sumu fólki?
• Hafsteinn Viðar Ásgeirsson: Þessi var nú fullur.
• Stefán Friðrik Stefánsson: Ábyrgðarleysi foreldra