Búið að slökkva eld við Hraunberg

Búið er að slökkva eld sem kom upp um 11 leytið í húsnæði Waldorfskólans í Hraunbergi í Breiðholti í morgun.  Að sögn Slökkviliðsins á höfuðborgarsvæðinu barst þeim tilkynning um mikinn reyk en slökkvistarf gekk fljótt og vel, og nú er unnið að því að reykræsta. 

Eldurinn kom upp í samtengdum timburhúsum við skólann en húsin voru ekki í notkun.  Ekkert fólk var á svæðinu að sögn slökkviliðs, þar sem frí er í skólanum í dag.  Ekki er vitað um upptök eldsins að svo stöddu.

• 1 blogg um fréttina

Bloggað um fréttina

• Linda litla: Enn af Breiðholti.