Ránstilraun á Akureyri

Grímuklæddur maður ruddist í gærkvöldi inn í verslunina Hreiðrið á Akureyri og ógnaði þar afgreiðslukonu með barefli og krafðist þess að fá peninga afhenta. Afgreiðslukonan veitti manninum mótspyrnu og flúði þá maðurinn tómhentur af vettvangi.

Að sögn lögreglunnar á Akureyri var par á þrítugsaldri handtekið í morgun í tengslum við rannsókn málsins og viðurkenndi maðurinn að hafa verið þarna að verki. Fólkið var látið laust að yfirheyrslum loknum og telst málið upplýst. 

• 1 blogg um fréttina

Bloggað um fréttina

• Anna Guðný : Ránstilraun í hverfinu mínu.