Sviku út milljónir
mbl.is/ÞÖK
Setja bókamerki
Talið er að tveir erlendir karlmenn á fertugsaldri, sem voru handteknir í Leifsstöð í gær, hafi náð að svíkja út úr hraðbönkum á fjórðu milljón kr. yfir páskahátíðina. Samkvæmt upplýsingum lögreglu er talið að mennirnir hafi afritað erlend greiðslukort og fært yfir á önnur kort sem þeir notuðu hér.
Kortasvikin áttu sér stað í hraðbönkum á höfuðborgarsvæðinu. Mennirnir, sem eru frá Rúmeníu og Þýskalandi, voru á leiðinni til London þegar þeir voru handteknir á flugvellinum. Þeir hafa verið úrskurðaðir í gæsluvarðhald fram á mánudag.
Grunur leikur á að fjárhæðin sem mennirnir sviku út sé hærri.
Rannsókn málsins er á frumstigi hjá rannsóknardeild lögreglunnar á höfuðborgarsvæðinu.
Fimm á sjúkrahús og 62 handteknir í Amsterdam
Jón Ingi heimsmethafi í mynsturstökki
Óvíst um lögfestingu kílómetragjaldsins
Vetrarblæðinga vart í Öxnadal
„Áhugavert að sjá skjálfta þarna“
Oddvitaviðtöl í Reykjavík suður
Biður fólk um að vera ekki á ferðinni