Vill að stimpilgjaldið verði afnumið að fullu

Jón Steindór Valdimarsson, framkvæmdastjóri Samtaka iðnaðarins, segir að illframkvæmanlegt sé að afnema eingöngu stimpilgjald fólks sem kaupi sína fyrstu íbúð og hið eina rétta sé að afnema gjaldið að fullu.

Í fjármálaráðuneytinu er verið að vinna frumvarp um breytingu á stimpilgjaldi og er gert ráð fyrir að það verði lagt fram á Alþingi í næstu viku. Jón Steindór segir að breytingar eigi eftir að valda ótrúlegum flækjum. „Hvenær ert þú með fyrstu íbúð og hvenær ekki? Hvernig á að fara með par sem er að taka saman, annað hefur átt íbúð en hitt ekki?“